Como tien asocedío en munchos otros paises el mou de vida tradicional, n'esti casu, taba basáu na agricultura, pastoréu de yaks y el comerciu; dexó pasu a la industria turística. Esta tresformación desendolcose na segunda mitá del sieglu pasáu cuando entamaron a aportar alpinistes cola agucia de algamar la cimera mas alta d'esti planeta.

Agora, yá ta cruciáu'l puntu de non retornu, la dependencia del turismu pa Nepal ye tan importante que yá nun serien a vivir ensín él.

Na temporada alta unos 700.000 visitantes anden pela zona y, d'ellos, 30.000 intentaran xubir. Esto causa un impautu ambiental innegable. Tonelaes de tou tipu de basoria pue atopase na sienda que xubi fasta la cimera: restos de comida, envases, documentos, aparatos electrónicos, melecines y 188 cadabres de montañeros.

El propiu Edmund Hillary encamentaba-y al gobiernu nepalés que dexare descansar la montaña unos años. Pero los mas de 50.000€ que tien que pagar cada equipu de 7 esguiladores ye razón suficiente pa caltener el circu funcionando. Amás, cada sherpa qu'aporta al oxetivu cobra unos 1.800€ por 60 díis de trabayu. Esto ye muncho dineru teniendo en cuenta que la renta per capita de Nepal ye de unos 1.000€.

En cuantes l'alimentación del Pais Sherpa ta fonderamente marcada pol mayoritariu budismu tibetanu o lamaista qu'impera. Los budistes tienen especial considereción pa colos seres sintientes, esto tien la fin de desendolcar l'amor y la compasión como fontes de felicidá. Lo qu'implica nun matar a dengún animal. Poro, l'alimentación sherpa tien como pilar la patata y la cebada que complementen con llechi y quesu de yak.

La imaxe d'un sherpa ye la d'un paisanín trabaú y brengosu, que carreta coles mochilones de los occidentales. Per otru llau tala imaxe que se tien d'un vexetarianu, ye la d'un ser escoloríu y flacu. Frañendo tópicos.

Comments

Nes lleis romanes había una que castigaba al reu a muerte cola espada nel sable del circu, esta nomábase ad gladium o ad ludum.

Los gladiadores yeren esclavos, prisioneros de guerra o condergaos por dalgún delitu, anque tamién taben los que diben a los Ludi(escules d'entrenamientu) col únicu xacíu de facese famosos.

Na llucha cola espada teníen la oportunidá de recobrar la so llibertá, algamar prestixiu o una considerable posición económica. El preciu yera perder la vida, vida d'esclavu, polo xeneral. Poro, el riesgu pagaba la pena.

Los gladiadores yeren escoyios pola so constitución física, les sos habilidaes na llucha y ferocidá. Quiciabes sosprenda saber que la so dieta yera vexetariana. Según un estudiu fechu por paleoantropólogos valiendose de la técnica d'Analís Microelemental, que por mediu de fragmentos de güesos determina lo qu'un ser humanu comió durante la so vida.

El doctor Karl Grosschmidt, como miembru d'Austrian Archaeological Institute y del Institutu d'Histoloxia y Embrioloxía de la Universidá de Viena, afirmó:"Los test realizaos en fragmentos de güesos de les cadarmes de cerca de 70 gladiadores vienen a probar qu'estos comíen básicamente cebada, xudies y fruta seca".

"Esta dieta ye espartana, pero confería a los gladiadores una gran cantidá d'enerxía, xenerando a la vegada un importante sobrepesu". Esta dieta valia-yos p'algamar una gran masa muscular que servia-yos como escudu ñatural escontra les fonderes feries que tendríen nos combates.

Analizaronse les cadarmes de dos tipos de gladiadores, mirmos y retiraii. Aportaron a reconocese nueve tipos de gladiadores según la so vestimenta y les armes que llevaben. Los mirmos yeren en so mayoría de Galia y carauterizabense por usar un cascu con un dibuxu d'un pexe(Myrmo en llatín), un llargu escudu rectangular y armes d'orixe galu. Los retiraii llevaben una rede, tridente y puñal.

Únicamente salien d'esta estricta dieta nes escesives cenes previes al espeutáculu nel sable, yá que podía ser el caberu díi de les sos vides. Equí, xuntu a les autoridaes llocales, esfrutaben de tou tipu de placeres.

Comments

Lord Stern ta consideráu un de los mas grandes esperto en relación al cambiu climáticu, nuna entrevista nel diariu The Times, al rodiu del calentamientu global, plantegó una solución a esti fechu: que too'l planeta seya vexetarianu.

Asegura que comer carne requier un usu escomanáu d'augua y incrementa los gases d'efeutu ivernaderu. Una dieta vexetariana ye muncho meyor.

La emisión directa de metanu nes granxes de vaques y gochos ye la principal fonte de gases d'efeutu ivernaderu( el metanu ye 23 vegaes mas agresivu que'l dióxidu de carbonu).

L. Stern ye consciente de lo abegoso que ye que la xente .

camude'l so vezu de alimentición carnivoro,  pero cree que'l so cometíu ye dicir a la xente que los sos vezos de vida influyen nel cambiu climáticu y lo que comen tamién importa.

L.S. reconoz que nun pue se nomar un vexetarianu estrictu.

Son llamatives estes declaraciones viniendo d'un economista del BM, esto quier dicir que la relación cusa efeutu ye nidia. Lo que nun me sosprendio ye qu'escluyere'l términu veganismu en llugar del vexetarianismu que caltendría granxes de vaques y animales ponedores de güevos y el impautu ambiental sería mui considerable. Y como lo qu'espuso yera en terminos ecolóxico-económicos nun esperaba qu'apareciere la ética como argumentu.

Yá son munches les evidencies al respeutu, y delles vienen dende les instituciones mas altes, pero estes nun seran suficientes pal cínicu inmovilista, siempre resueltu a siguir faciendo lo que facia y echa-y la culpa a otros o a los políticos, que dexuru tienen parte, pero cada un dende'l nuesu nichu de 60-80m2 nomáu casa, onde desendolcamos gran parte de la nuesa vida, tenemos responsabilidaes y hai que pescanciales.

L.S. xúnese al estudiu fechu pola FAO y a otru que pensama nel mesmu sen diciendo: nada incrementara tantu la supervivencia na Tierra como'l pasu fasta l'alimentación vexetariana(Albert Einstein)

Entrevista completa de The Times:

http://www.timesonline.co.uk/tol/news/environment/article6891362.ece

Estudiu de la FAO "La llarga solombra del ganáu":

ftp://ftp.fao.org/docrep/fao/011/a0701s/a0701s00.pdf

Comments

Ye lo que vengo diciendo per esti blogue dende hai tiempu: paezme una ceguera mental, solamente, pensar n'esfrutar d'un tastiu ensin decatase del sometimientu qu'hai detras.

Pa esa xente que ta "desenganchandose" hai "sucedaneos" con testura y tastu asemeyaos al orixinal y unes propiedades nutritives perinteresantes. Pa esfrutar ensin perxudicar.

Hai abondes recetes de quesu veganu, escoyí esta por ser cenciellina

y resultona.

INGREDIENTES:

-400 ml d'augua

- 4 cuyaraes d'agar-agar en polvu o enteru

-90 gr. de frutos secos(n'esti casu, eché pistachos y pipes de xirasol)

-75 gr. de tofu

-4 cuyaraes de formientu

-xugu d'un llimón

-1cuyarada de sal

-1 cuyarada de comín

-Aceite d'oliva

-Pimentón

PREPARACIÓN:

1. Ferver l'augua col agar-agar unos 4 minutos.

2. Entemecer l'augua col agar-agar yá fervio col restu d'ingrecientes, batilo too fasta que quede una crema ensin gorollos.

3. Darréu, untes con aceite y pimentón les paredes del molde y llantar la crema

4. Cuando te frio sacalo del molde y enfrialo na nevera.

5. Hai que consumilo en 3-4 díis.

Comments

Les posibilidaes de supervivencia son pequeñes, l'impautu grande, asina y too, el xacíu de xusticia empobinariamos a, si tenemos la posibilidá, salvar a esa xente. ¿Non?

Pues esto asocedio la madrugada del pasáu 19 d'ochobre, n'Abegondo(A Coruña). 16.500 visones( lo mesmo que nos momentos de másima llaceria d'Auschwitz I) esperimentaron, por primera vegada nes sos vides, lo que yera tar fuera de les sos ferruñentes xaules de 50x50x50, de les cuales diben a salir dientru de 6 selmares, eso si, ensin vida. Morrerien, asesinarienlos, d'una forma escomanádamente ruin: asfixaos pol fumu d'un tractor.

Ecoterrorismu, impautu ambiental, peligru de desplazamientu d'otres especies autóctones, visones agresivos.... Esto yera lo que sorrayaben los medios de comunicación. Sesgando la información, distrayendo l'atención de la razón del fechu(finar colos campos d'estermín y non gamberrismu)  y dando-y voz a los propietarios d'estes granxes de la muerte que valense d'argumentos puercos, insinceros  con tal de tapecer el so inxustificable mou de vida, que nun dexa der ser facer abrigos de lluxu a costa de vides.

Munchos morrieron polos perros, otros atropellaos y munchos otros morreran poles escopetes de los cazadores. Pero p'aquellos qu'algamen la llibertá na viesca y nel riu, anque seyan nada mas 10 de los 16.500, pagará enforma la pena, ensin dulda.

Y nin los visones son agreivos pa colos humanos( fuyiran encuantes vean un) nin l'impautu será escomanáu( va años que faense estes lliberaciones y nun hebo nada irreversible, amás los visones son territoriales y solitarios polo que l'efeutu ye menor ).

Los qu'apreten el gatillu, secuestren, torturen, negocien con vides y desfaen ecosistemes si son ecoterroristes; y estos nomense cazadores, pescadores, ganaderos, taurinos, tiendes de mascotes,...

Comments

Comments

El casu que mos toca güei(anqu'esto pasó la madrugada del 11 pal 12) ye'l d'una granxa, una d'eses esplotaciones intensives, asitiada n'Urnieta,

Gipuzkoa.  2.380 coneyos fueron atopaos muertos por unes manes executores que, polo visto, conocien les instalaciones y sabien como matar a un coneyu certeramente, poro, sospechase que puea tratase d'un antiguu empleáu que quixo cobrase dalgún

tipu de venganza.

Déxase ver la figura del granxeru, víctima d'una inesperada inxusticia que dexa el so mou de vida taramingándose.

Atoparase los culpables(o non),  axusticiaranse y equí fina la hestoria.

Pero a naide nun-y dio por pensar qu'esos coneyor de los que tantu s'apenaben diben ser executaos d'igual mou al díi siguiente( o selmana siguiente,...) y apaecerien nes bandexes de poliestirenu nos supermercaos, consiguientemente espeyaos y trociaos, y ellos diben ser los complices llegales. El probe granxeru con una visión mas aguda pasa a ser un xenocida.

Abúltame qu'esto nómase esquizofrenia moral.

Comments

El so direutor, Shaun Monson, trabayaba faciendo anuncios de serviciu públicu sobre la esterilización y castración de mascotes. La crudeza les imáxenes grabaes nos refuxos d'animales alrodiu de Los Ánxeles afeutaronlu fonderamente y entamó a da-y forma a un proyeutu mas ampliu dividíu en 5 estayes: mascotes, alimentación, pieles, entretenimientu y esperimentación.

Conseguir les imáxenes pa completar el documental foi abegoso, 6 años necesitaría pa ello. A base de cámares ocultes algamaría a sacar a la lluz lo qu'asocede tres les muries de los mataderos, les dramátiques vides nos circos, la crueldá de la industria peletera,...

Narrao por Joaquin Phoenix y cola banda sonora de Moby, dieron-y forma a la mas activa ferramienta pa da-yos voz a los que nun la tienen y poder asina reclamar los sos drechos.

Nun ye nada fácil quedar como si nun pasare nada tres ver esti documental.

Agora sábeslo...

Comments

Imaxinando la escena de un probe homo sapiens, al ñatural, delantre d'un xabalí o un rebecu, la única solución viable que ye afilar les parafuses, galmiar, correr a galmos, esnalar,.... o como quiera dicise.

Claro qu'a lo llargo la hestoria l'home alimentose de cadabres d'otros animales, pero tamién  lo fixo de seres de la so especie, la fame estrema fae estes coses.  L'antropofaxia ye dalgo, anguañu, dafechamente aborrecible, pero n'otres dómines, non tan llonxanes, yera dalgo sistematico, yera por necesidá, dexar perder una cantidá tan apreciable de proteines yera una llocura.

Tamos equí, nel sieglu XXI, y yá nun se comen los cadabres de los familiares o coyacios, pero inda siguimos cola doblemente aborrecible zuna de comer animales non humanos.

Agora nun tenemos que salir durante hores o díis a la gueta d'alimentu, a 10 minutos to ca hai un supermencáu y nél nun  hai mas qu'esbillar ente dos alternatives: escoyer trozos d'animales muertos y caltener  o non.

N'esti cuadru pue vese como l'humanu coincide en 18 ocasiones colos animales herbívoros y n'una podría tar nes tres categoríes. Poro, pue dicise que'l humanu yen'un 96,5% herbívoru.

Comments

Comments

Ye una escena repetida: una familia de vacaciones n'una ciudá turística del llitoral. N'esti casu ye en Zadar(Croacia), dempués d'una xornada na sablera. La familia empobina pa un de los milenta restaurantes qu'hai pel paséu costeru. El pá yá ta dando-y cuenta al pescáu del so platu. Fasta equí nada nuevo. Ye entós cuando la so fia decátase de la esistencia de una pexera onde hai un bon garapiellu de llagostes. La empatía pa colos animales ye dalgo ñatural nos neños, pero ye un vezu que los pas escuenda-y a los sos fios la verdá. Esta rapacina ufrece-y al camareru tous los sos aforros a cambiu d'una llagosta pa lliberala nel mar, esti, pa tracamundiala, llanta-y que tan durmiendo, n'esi intre intervien el pa diciendo-y al camareru que paga-y 1.300€ por toes les llagostes(30) cola intención de soltales al mar.

Esti fechu asocedia va unos díis cuentalu'l dueñu del restaurante.

Dicen que Leonardo da Vinci facia lo mesmo colos páxaros: mecabalos y lliberabalos.

Nun me paez una bona estratexia andar mercando animales pa darréu soltalos, ye evidente que con esto nun se fina con esticomerciu. Tas fomentandolu, yá que'l que comercia con vides va tener el so beneficiu y va siguir faciendolo y el que nun ta a favor del va contribuir a caltenelu.

Anque pa eses 30 llagostes va ser l'entamar de la so segunda vida y eso paga la pena los 1.300 euros.

Seya polo que fuere, otru puntu a favor del arrebatu que-y dio a esti eslovenu(a lo meyor foi, simplemente, pa que abocanare la guah.a) ye que espublizose esta noticia en too'l mundiu y ,dexuru, fixo pensar a abonda xente sobre lo duldosos de siguir con esta actitú pa colos animales non humanos, sobre too pa los que viven nel mar, tan ayenos a nós y por tantu menos facil de ponese na so situación.

Pa cola xente que nunca nun se paró a pescanciar sobre qu'hai detras de lo que come mas allá del sabor, hai munchu desconocimientu o inorancia voluntaria. Cuando entruguenme si soi vexetarianu, cunto-yos que soi veganu(vexetarianu puru), paren un momentu a atalantalo, y llanten:_nun comes carne, pero pescau si, ¿non?...Tres les consiguientes retrugues la conclusion ye: _ entós tu nun comes  nada, chaval. Asina tal el percal de carente.

Comments

Comments

Modest Mouse-King Rat

Comments

Lo realmente interesante foi lo qu'asocedió va unos díis nel congresu de Washington, delantre de unos llexisladores ablucaos por un garapiellu de supervivientes d'ataques de tiburones que militen en favor de la "Shark Conservation Act 2.009". K. Thompson fixo les siguientes declaraciones: "Quedabame la mio pierna, pero too lo que podía ver yera'l femur y la tibia, nada de carne, nada de venes, nada de musculos, solo'l bluncu de los mios güesos. Ustedes entrugaranse por qué, anque atacome un tiburón, nun quiero comemelos y matalos a toos. Lo que me fixo'l tiburón ye lo que se supón que tien que facer. Los tiburones esisten dende fai 300 millones d'años, enantes que los dinosaurios. Son tan perfeutos que evolucionaron poco dende entos. Si matamos a toos los tiburones, eso tendrá un efeutu sobre la vida humana, y ye por eso que toi equí."

Ente estos superviviente taba Mike Coots, un surista hawaianu, que perdió una pierna cuando tenía 18 años.  Al Brenneca, quien va 30 años quedose ensin un brazu, almitió que durante munchu tiempo nun foi a superarar el trauma y dedicabase a matar con un fusil toos los que podía.

Un terciu de les especies de tiburón tan amenazaes de desaparición, son pescaos pola sopa d'aleta y tornaos al mar vivos tres taraza-yos l'aleta fasta que muerren díis de tar al debalu.

70 millones de tiburones son arranpuñaos cada añu de los océanos frente a los 60-100 ataques de tiburón a humanu por añu en too'l mundiu.

Y ye que llevase la contraria ye un deporte persanu, fai medrar la conciencia. Ye admirable ver como esta xente nun se dexó fundir na fácil rebenga.

Comments

Los argumentos van pol mesmu camín, aportando datos enforma nidios.

Llantar un quilu de carne de vaca equival a viaxar 250 quilómentros en coche.

El sector ganaderu produz el 18% de los gases d'efeutu invernaderu a nivel mundial(mas que'l tresporte).

El cuchu xenera óxidu nitrosu, con un potencial 296 vegaes superior de calentamientu global de CO2.

La ganaderia ye'l mayor causante de deforestación del mundiu, nes viesques talaes semase soya, que nel casu d'América Llatina'l 90% de lo pañao ye pal consumu ganaderu.

"Un granxeru  pue alimentar a 30 persones durante un añu con una hectárea de terrenu si produz vexetales, frutes y cereales. Si la mesma área utilizase pa producir güevos, llechi o carne, el númberu desciende a ente 5 y 10 persones"( en pallabres de Rayendra Pachauri, presidente del Panel Intergubernamental sobre'l Cambiu Climáticu de la ONU y premiu Nobel de la Paz en 2007).

Ente esti tipu d'iniciatives siempre xurde'l cinismu retrógadu(entendiendose por cinismu non como la postura filosófica basada na defensa del estáu natural y na autosuficiencia del individuu, si non como'l comportamientu propiu d’una persona falsa, ensin vergoña pa mentir, que nun tien cargu de conciencia), buscando la sida nel mal axenu pa nunca nun camudar el so propiu error.

Falen prestixiosos nutricionistes de lo mui necesario que ye la carne. Hai millones d'exemplos de persones que nun comen carne y la so salú ta perfeutamente.

El sector ganaderu viven 1.300 millones de persones. Tamien de la especulación inmoviliaria vivia muncha xente y agora... Si dalgo nun ye sostenible nun se pue caltener a base de subvenciones nin mirar pa otru llau fasta seya inevitable.

Paez que agora tamos nel momentu del argumentu ecolóxicu a la hora de replantegase la forma de alimentase y consumir anque pa min esta seya una forma egoista d'iguar les coses. Tamos viendo que nada mas tenemos una casa y tamos estropiandola, y como'l planeta habitable mas prósimu a la Tierra ta a unos cuantos años lluz(20,5)...

Ye una cuestión de sensibilidaes, pa min ver una xata de 10 meses de vida engolada d'un gabitu nel techu y un paisano tarazando-y el pescuezu entá viva foi suficiente, otra xente necesita estadístiques, porcentaxes, declaraciones de xente famoso,...

Polo menos dalgo ta camudando cuando xurden estos aldariques, nun va muncho esto yera impensable.

Comments

Facer la ganadería mas rentable, cubrir costes,... Hai que sopesar si sal a cuenta, yá que facer la 3ª cata de madrugada supón un mayor gastu d'electricidá de los robots y los tanques d'enfriamientu de llechi. Amás ta la mayor carga de trabayu que tien que caltener el ganaderu.

Los veterinarios dierón el vistu bonu, medrará la producción un 15-20% y malpenes modifica les cantidaes de grasa y proteina de la llechi.

Y que va ser d'eso que ta pegao a la maquina de catar, abultame que se nomaba vaca. Y abultame que nun-y va  prestar un res esa nueva cata que por 3ª vegada nel díi robara-y la llechi que sería l'alimentu del so fiu, al que al poco de ñacer arrampuñano-y d'una mena mas ruina que la fame. Siempre s'escaez esto, les vaque nun son grifos que dan maxicamente esi lliquidu blanco, si lu producen ye pola mesma razón que lo faen les femes humanes: porque tiene d'alimentar una cría.

Nun ye una cuestión de busca-y a les vaques les meyores condiciones, maquines que s'asemeyen a la sensación que produciría'l xatín y nun-y dexe feries nel tetu, nin que les cate una formosa moza con llargues trences roxes, nin pone-yos musica de Mozart o Coldplay pa que den mas llechi. Dende una perspeutiva oxetiva esto ye una inxusticia, ye dalgo dafechamente innecesario.

El tomar llechi ye contribuir al asesinatu de recien nacios(xatos) y a la tortura y muerte de les vaques.

Por utru llau, en Coria(Cáceres), hai abonda xente murnia porque esti añu na folixa de San Xuan  nun-yos dexarón, como yera vezu,  llanzar a Ladrillero(el güe escoyiu esti añu pa ser la victima) dardos fechos d'alfileres nos testículos. Hai quien dicia qu'a esti pasu diben a fina-yos cola folixa. Probes, ¿non?

Esti güe que yá dende pola mañana, nel encierru, supiere que pescancia por folixa y pasalo bien la xente de Coria, fino la visita a esti acoyedor pueblu a les 10 de la nuechi arrequexau nun xardinucu deseyando que finare too.Y asina foi fasta l'añu que vien.

Comments

Dende’l empiezu de l’aprución o evolución del home na tierra (p’algún seguidor de les doctrines católiques   unos 6.000 años, y anque científicamente seya mas difícil de cuantificar, podremos asitiar l’aniciu del homo Sapiens Sapiens de raigón africanu  nunos 45.000/100.000 años), l’home fizo del mundu un escomanao teatru de marionetas de  12.756,274 kilómetros de diámetru, onde manexa cola finura del titireteru ecosistemes y ñatura al so propiu antoxu.Ye capaz de predecir el tiempu que va facer nes   Foces del Pinu con una selmana d’antelación, y facer, si-y peta que llueva en Samartín del Rei Aurelio  col sistema de  bombardeu de ñubes col yoduru de plata (AgI).

Pa dase cuenta de la buelga  humana nel planeta nun hai mas que subise nun avión, esnalar, columbrar pa baxu e intentar topar un requexu nel que nun se note’l pasu del home, y si lu topais  nun vos esmolezcais que dientru unos dies tará convertío nuna mina a cielu abiertu d’oru  o nuna cantera de cuarcites.

Tal magnaminidá del home pa col planeta y pa colos demás habitantes del planeta, tien comu resultáu’l fechu de que’l home decide y manexa según-y paez, como ye’l casu nes batides de llobos nos pueblos del Suroccidente, autorizaos pol Director Xeneral de Biodiversidad un tal García Gaona, que ye’l que determina cual tien de ser l’equilibriu de la ñatura y  l’home, p’entendenos  una mena de xuez Garzon de la ñatura, afirmando que lo primero ye'l ganaderu y lo cabero’l llobu y en metanes de los dos la vaca. Asina ye, que  primeru d’ellos, l’home,  glaya y anecia pa facer de la so estensión ganadera un cotu particular d’intereses especistes, el segundu, el llobu, que  fai lo que la so ñatura-y pide, que ye comer, reproducirse y esfrutar del dia si tien un tiempu soleyeru,  instintos  compartios colos demás animales humanos y non humanos. Pero’l problema que tien  el  llobu ye que ni paga impuestos ni vota nes ellecciones europees, entos nun cuenta, final tráxicu, hai qu’acabar con el.

Como conclusión y nel caberu  llugar ta la prove vaca o según el casu les oveyines que nun saben d’onde-yos vien mas pelligru si de les  manes del home o de les garres del llobu.

¡¡¡NUN SEYAS ESPECISTA!!!¡¡¡FAITE VEGANU!!!!

Comments

Gante, ye una ciudá d'unos 235.000 habitantes asitiada nel norte de Bélxica, na rexión flamenca. El so nome bien de la pallabra celta “ganda”, en referencia al cruce de dos rios. Ye conociada pol so bien curiáu cascu antiguu tremáu de construcciones medievales, pola so importancia economía, por ser una ciudá universitaria y poles sos fiestes consideraes la mayor folixa callexera d'Europa(segunda quincena de xunetu). Pero, dende'l 13 de mayu ye conocida por ser una ciudá vexetariana.

¿Y esto por qué?

“Si naide nun comiere carne en too Flandes un díi a la selmana, aforrariemos tantu CO2 n'un añu como si retiraremos un millón de vehiculos de les carreteres”. Diz la asociaciación de vexetarianismu éticu de Flandes(EVA).

Dende'l ayuntamientu de Gante afirmen que, esta ye la primera ciudá europea y seguramente del mundiu occidental que intenta facer de tou'l so área un llugar vexetarianu una vegada a la selmana. Y según afirma,Tom Balthazar, el conceyal promotor de la idega: “ nun ye obligatorio. Solamente queremos ser una ciudá que promueva una forma de vida mas sostenible y mas saludable”.

El vexetarianismu/veganismu, como movimientu, yá va tiempu que dexó de ser dalgo marxinal propios de hippies. Lo mesmo qu'asocedió col ecoloxismu que va 3 o 4 decades yera dalgo propio de suañadores contraculturales y agora ta dafechamente institucionalizao y representa una parte enforma importante nel programa de cualquier partíu políticu.

Una muestra d'esta normalización del vexetarianismu ye que tolos xueves cada restaurante de Gante tien de ofrecer un menú vexetarianu, hai dellos que tendrán la so carta dafechu vexetariana. En setiembre serán les escueles y tamién un hospital quier xunise

La FAO (Organización para les Naciones Xunides pa l'Agricultura u l'Alimentación) declaró'l 29 de payares de 2.006: “ la mayor xeneradora de gases d'efeutu ivernaderu: dióxidu de carboonu, metanu, óxidu nitrosu y amoníacu, ye la industria ganadera”. Y ye “ la principal cusante de deforestación pa crear praos y forraxe, yá que la ganadería utiliza'l 30 por cientu de la superficie terrestre y ocupa el 33 por cinentu de toa la superficie cultivable destinada a producir forraxe”.

Y yá falare n'esti blogue de milenta universidaes y instituciones de prestixiu que encamienten el vexetarianismu como mou pa aminorgar l'impautu medioambiental, evitar delles enfermedaes y, l'argumentu que ta penriba  toos, pa suprimir l'esclavismu y xenocidiu al que tan sometios los demás animales.

Estos xueves vexetarianos son coses d'otros llugares, n'Asturies, anguañu, ye vezu dir al rebufu de los que van al rebufu. Y nun hai mas que ver qu'en toa Asturies( nun teo noticies de lo contrario) nun hai un restaurante vexetarianu( hai dalgún con menus vexetarianos y otru ecolóxicu con carne), pero dafechamente vexetarianos nengún. En toes les comunidaes del Estáu hai restaurantes vexetarianos: La Rioxa, Estremadura, Murcia, Navarra, Cantabria,... tienenlu . Asturies ye la única comunidá en too l'estau ensin un restaurante vexetarianu. Ablucante.

Comments

Yá ye hora de dexar pa práu les ruines y , en comuña, construyir una estaya nueva onde focalizar la pluralidá de la esquierda asturiana. Desabeyar l'ego partidista en favor de los asturianos, nun ye una cuestión de caltener unes sigles o'l nome d'un partiu, ye Asturies.

Comments

Alredor de la visita que Jane Goodall, premiu pincipe d'Asturies d'investigación 2.003, fexo al parque de la ñaturaleza de Cabárceno, hai bayura de llectures que facer tantu pola primatóloga como pol parque.

El tan emponderáu parque de Cabárceno pola so tresformación d'un llugar cuasi ermu fasta'l so verdor actual, ye dalgo almirable, dexuru. El problema ye tracamundiar la recuperación d'un espaciu frayáu con un santuariu pala vida animal.

Semillibertá, n'esti contestu, resultame una pallabra puerca y cafiante. La llibertá, dexando a un llau l'aldarique filosóficu, dende una visión pragmática, nun se debería midir en metros, quilómetros cuadraos o día de güe, tampocu en simulaciones nin recreaciones d'habitat, nin cuestiones de calidá del les instalaciones, nin horarios de comida o apertura al públicu.

Los zoolóxicos siempre s'afiten colos trallaos argumentos d 'actividaes científiques que desendolquen, llabor cultural y el procuru polos animales en peligru d'estinción. Pero yo nada mas veo un negociu, porque si non nun algamo a atalantar que bien se-y puen facer a un canguru wallaby y un emu australianos tar en Cantabria, lo mesmo qu'a un coipú sudamericanu,un dromedariu, una xirafa,...

Falen d'estudiu de ciclu sexual de la fema d'elefante por métodos "non intrusivos" . Malpenes, tener trancáu un garapiellu d'elefantes "nuna prestosisima" estensión de terrenu nel norte de la península Iberica, reprimiendo-yos el vezu de poder caminar quilómetros diarios, diciendo-y a qu'hora hai q comer y durmir y cuando toque sedalos pa facer los consiguientes estudios, eso nun ye intromisión.

El reptilariu ye un preciosu recintu aclimatáu onde s'asitien unes pexeres y cristaleres ridicules onde vivirán encarcelaos de por vida llamatives serpiente tropicales, serpientes de cascabel, cobres, tortugues inverosimiles,...

Pura ciencia: "una demostración que mos da a conocere la vida de los lleones marinos(lo que ye un circu de foques)",un restaurante, un self service, dos cafeteries, tirolines, canoa,... Adultos 18€, grupos 14€.

Si, Cabárceno tien 14.500 metros cuadraos( una carcel bien grande); si, los goriles que Goodwall vieno a visitar, tres una cristalera, foron rescaltaos d'una granxa onde malvivien(nun creo que puea dicir lo mesmo de l'avestruz, la hiena, les serpienes de cascabel,...). Poro, hai de dixebrar dos conceutos perimportantes:

• Bienestarismu: amante de los animales non humanos, qu'esmolezse pola meyora de les llamentables situaciones nes que viven. Pites, gochos,... ensin xaules, que tengan un recintu acutau pamovese. Que los maten pa sacar esos ricos xamones, pero ensin sufrimientu. Son los que-yos cae una llárimina cuando ven les matances de foques o les corrides de toros mientres meten un trocín de filete na boca o un yogurín.

• Abolicionismu: refugu de la visión antropocéntrica del mundiu. Una teórica mayor capacidá de raciociniu nun xustifica la escalvitú y asesinatu del de menor capacidá. Como el debil nun tien porque tar sometíu al fuerte.

Na dómina de la Norteamerica esclavista, el bienestarista aplaudiria el llabor de quitaios les cadenes y pone-yos unos chips( pa la seguridá d'ellos y los blancos); sacalos de les cortes onde vivin amontonaos y face-yos unes barriaes decentes, de llanta-yos llatigazos cuando fixeren daqué mal a usar métodos mas "humanitarios" como les descargues eléctriques pa aturdilos. Esta ye la visión bienestarista que dende'l veganismu se refuga.

Derechos pa los animales, xusticia non compasión.

Comments