AD LUDUM
Nes lleis romanes había una que castigaba al reu a muerte cola espada nel sable del circu, esta nomábase ad gladium o ad ludum.
Los gladiadores yeren esclavos, prisioneros de guerra o condergaos por dalgún delitu, anque tamién taben los que diben a los Ludi(escules d'entrenamientu) col únicu xacíu de facese famosos.
Na llucha cola espada teníen la oportunidá de recobrar la so llibertá, algamar prestixiu o una considerable posición económica. El preciu yera perder la vida, vida d'esclavu, polo xeneral. Poro, el riesgu pagaba la pena.
Los gladiadores yeren escoyios pola so constitución física, les sos habilidaes na llucha y ferocidá. Quiciabes sosprenda saber que la so dieta yera vexetariana. Según un estudiu fechu por paleoantropólogos valiendose de la técnica d'Analís Microelemental, que por mediu de fragmentos de güesos determina lo qu'un ser humanu comió durante la so vida.
El doctor Karl Grosschmidt, como miembru d'Austrian Archaeological Institute y del Institutu d'Histoloxia y Embrioloxía de la Universidá de Viena, afirmó:"Los test realizaos en fragmentos de güesos de les cadarmes de cerca de 70 gladiadores vienen a probar qu'estos comíen básicamente cebada, xudies y fruta seca".
"Esta dieta ye espartana, pero confería a los gladiadores una gran cantidá d'enerxía, xenerando a la vegada un importante sobrepesu". Esta dieta valia-yos p'algamar una gran masa muscular que servia-yos como escudu ñatural escontra les fonderes feries que tendríen nos combates.
Analizaronse les cadarmes de dos tipos de gladiadores, mirmos y retiraii. Aportaron a reconocese nueve tipos de gladiadores según la so vestimenta y les armes que llevaben. Los mirmos yeren en so mayoría de Galia y carauterizabense por usar un cascu con un dibuxu d'un pexe(Myrmo en llatín), un llargu escudu rectangular y armes d'orixe galu. Los retiraii llevaben una rede, tridente y puñal.
Únicamente salien d'esta estricta dieta nes escesives cenes previes al espeutáculu nel sable, yá que podía ser el caberu díi de les sos vides. Equí, xuntu a les autoridaes llocales, esfrutaben de tou tipu de placeres.
Esbilla
del.icio.us
Interesante articulu, solo quedome una dulda, y ye al final del testu cuando cuentes que'l caberu díi esfrutaben de tolos placers, supongo que nun solo te refieres a los culinarios???
Gracies y a seguir asina!!!
canciella | 14-11-2009 - 15:34:34 GMT 1 #
Les viésperes de la llucha facíen una orxía na que saciabense los deseyos de too los sentios. A diferencia de los griegos equí tamién participaben les muyeres. Dalguna baillariana erótica preparaba l'ambiente pa les variaes escenes y tendencies sexuales que se viviríen.
Dicir que'l vexetarianismu de los gladiadores yera circunstancial. Si teníen esta dieta yera porque con ella algamaben la masa muscular y la enerxía deseyada. Les connotaciones ideolóxiques nun m'abulta que tubieren pesu, nun ye que tuvienren empatía pa col restu d'animales que taben privaos de llibertá como la mayoria d'ellos, nada mas tratabase de preparar un cuerpu pa la llucha. N'esta dómina na que la esclavitú humana yera dalgo normalizao, siempre hai daquién escontra ello. Mas llamativo resulta que hubiere quien condergare tamién la muerte d'animales non humanos. Y había abondos casos, sobre too n'ambientes intelectuales, como ye'l casu d'Ovidio, Seneca, Porfirio,...
lladiu | 16-11-2009 - 16:12:09 GMT 1 #
Eso de descargar enantes de lluchar ta un pocu mal visto nos deportes de elite d'angüañu, por que dicen que vaxa'l rendimientu deportivu, pero bueno ta nidio que yeran otros tiempos...
canciella | 19-11-2009 - 11:18:36 GMT 1 #