LA MAYORÍA LOS PROBLEMES
Richard Melville Hall, mas conocíu por Moby, garro'l so nome artísticu de la novela mas representativa de so bisgüelu, Herman Melville, que nun ye otra que la perconocía Moby Dick.
Moby ye un músicu heteroxeniu como pocos. Entamó, nos primeros 80, tocando en Vatican Comandos, una banda hardcore punk de NY, pa facese Dj y ,darréu, siguir col so proyeutu musical nel que tien cabida dende'l techno, ambiental, house, rock alternativu y milenta subxéneros mas. Aportó a vender 10 millones de discos col discu Play, en 1.999, cuando inda se vendíi discos.
Pero lo que reamente m'interesa d'esti rapaz ye, como non, el so compromisu colos drechos animales. Y ye que lleva 20 años como veganu(nun consumir productos d'orixe animal, nin güevos, llechi, cueru, etc).
Que se conoza la pallabra VEGANU, dame lo mesmo que suene a proselitismu. Anque seya aventar piedres escontra montañes, como ye la del negociu de la carne( tantu intensiva como extensiva). D'esta escomanada montaña fecha de marketing baxa una nublina qu'adormez y nun dexa ver qu'asocede tres de si. Diznos que los animales son trataos con procuru, tan sanos y viven na mayor de les felicidaes. La mayoria nin retruga, simplemente nun quier saber nada.
Voi dexar un videoclip del discu Lies, que llamome l'atención, porqu'anque la música pue ser too lo comercial que se quiera, el videu ta cargau de crítica ensin perder l'humor.
“Si'l mundiu enteru se tornare veganu de la nuechi a la mañana, la mayoría de los problemes del planeta terminarianse de sópitu. El cambiu climáticu baxaría un 25%, cesaría la deforestacion, la selva humeda conservariase, medraría la calidá del nuesu augua y aire, seriemos mas llonxevos y enfermedaes como'l cancer desaparecerien”. Comentariu de Moby sacáu de la revista Animalis.
Esbilla
del.icio.us
Moby tambien puso la musica al documental earthlings,terricolas que muestra la cruda realidad de los animales en cautiverio,¡¡¡malditos humanos se mueran todos de una puta vez¡¡¡ soy sergio el calvo que estuvo comiendo delante tuyo este pasado domingo.
me encanta tu pagina,cada vez me cuesta leer menos el asturiano.
Saludos veganos¡¡
sergio | 19-09-2009 - 01:59:19 GMT 1 #
Gracies pola too visita. Prestame saber que cuestate menos lleer n'asturianu, ye una llingua con gran futuru, mui pronto too'l mundiu falará n'asturianu h.e, h.e, h.e
Yá tuvi echando-y un güeyu al too blogue(www.algoestacambiando.wordpress.com). Da muncho que pensar, mui encamentable.
Vémonos.
VenerablePerru | 21-09-2009 - 14:25:42 GMT 1 #
que seas muy feliz por la india,un fuerte abrazo.
sergio | 25-09-2009 - 22:36:52 GMT 1 #